PRESENTACIÓN DÍA 26 EN CAMBALACHE, OVIEDO
 
VIERNES 26 a les 20h. Presentación del poemariu: Poética de muyeres 2014.
Va diez años editamos la primera y única antoloxía de muyeres poetes en llingua asturiana.
Agora cellebramoslo editando otra vuelta una antoloxía con voces nueves y vieyes de la poesía escrita por muyeres n'asturianu.
Son 28 voces de muyer, dende l'occidente al oriente, dende los 13 a los 80 años, cuatro xeneraciones bien representaes. Ente elles tan Marta Mori, Esther Prieto, Sofía Castañón, Helena Trexu, Lourdes Álvarez, Sabel de Fausta...
Esti volume tien el porgueyu de dexar una amuesa na hestoria de la lliteratura asturiana dende la perspectiva de muyer. Porque la muyer nun siempre ta bien representada y porque la lliteratura n'asturianu tien que tar activa y con obra nuevo.
Grupu Epona ye una asociación cultural que tien el porgueyu de dignificar la llingua asturiana dende la neñez a los adultos, con cuentacuentos, talleres y edición de llibros. Llevamos más de diez años trabayando nestes estayes y tenemos varios titulos na cai pa toles edaes y xéneros lliterarios.